देश का कार्यबल मा नए युग कु शुभारंभ, दूरगामी सार्थक परिणाम निकलला:सीएम धामी

देश का कार्यबल मा नए युग कु शुभारंभ, दूरगामी सार्थक परिणाम निकलला:सीएम धामी

देहरादून। मुख्यमंत्री पुष्कर सिंह धामी न बोळि कि श्रम सुधारों से देश का कार्यबल म नए युग कु शुभारंभ हृवे। आत्मनिर्भर भारत का संकल्प क लिहाज से चार श्रम संहिताओं ते लागू करे जाण  एक महत्वपूर्ण फैसला च्। यांका दूरगामी सार्थक परिणाम निक्लला। उन् बोळि  कि राज्य सरकार श्रम संहिताओं क अनुपालन ते कटिबद्ध च्। उन् श्रम सुधारों का वास्ता  प्रधानमंत्री नरेंद्र मोदी कु आभार प्रकट करि। मुख्यमंत्री न बोळि कि प्रधानमंत्री क नेतृत्व मा देश म् नई कार्य संस्कृति न स्थान पैं । नई नीतियों का निर्धारण देश ते विकसित राष्ट्र बणोण की दिशा म मील कु डुंगु साबित होलू।

मुख्यमंत्री न बोळि  कि पूर्व का श्रम कानूनों से असंगठित क्षेत्रक श्रमिकों कु एक बड़ा वर्ग भैर छौ। वखी यूं ते  सामाजिक सुरक्षा कु भी अभाव छौ। न्यूनतम वेतन कु प्राविधान भी चुनिंदा क्षेत्रों तक ही सीमित छौ। इनि श्रम कानूनों से व्यापारिक सुगमता भी प्रभावित होणी छे। विदेशी निवेश पर प्रतिकूल प्रभाव पनु छौ। इंस्पेक्टर राज की व्यवस्था से व्यापार एवं उद्योगों पर भी प्रतिकूल प्रभाव पं लग्यों छौ। इस दृष्टिकोण से भारत सरकार न श्रम सुधार करि ऐतिहासिक कदम उठायी । उन बोली  कि नए कानून का प्रावधान श्रमिकों कि हितों की मजबूती से रक्षा करदु। उन् बोल कि सब्यों ते न्यूनतम और समय पर वेतन, नियुक्ति पत्र की अनिवार्यता जन प्राविधान अभूतपूर्व छन। श्रम सुधार 40 करोड़ श्रमिकों का वास्ता सामाजिक सुरक्षा सुनिश्चित करदू । महिला श्रमिकों ते समान अवसर और समान वेतन का दगडा ही राति पाली मा काम कना की स्वतंत्रता प्रदान करे गे, जु कि नारी शक्ति कु आत्मनिर्भर बनोणा की दिशा में बडु फैसला च।

मुख्यमंत्री कु बोलणु च् कि निश्चित अवधि का कर्मचारियों ते एक वर्ष की सेवा का बाद ग्रेच्युटी, श्रमिकों ते निःशुल्क वार्षिक स्वास्थ्य जांच कि अनिवार्यता, जोखिम भरे कार्य क्षेत्र मा काम कन वाळा श्रमिकों ते सौ प्रतिशत स्वास्थ्य सुरक्षा जन प्राविधान बेहद अहम छन। उन् बोळि  कि श्रम सुधारों से राज्य मा जख श्रमिकों ते सामाजिक सुरक्षा का दगडा दगडि बेहतर कार्य वातावरण मिललु, वखि व्यवसाय एवं उद्योगों मा अनुकूल वातावरण मिलण से कार्य सुगमता होलि। उन् बोलि कि इन श्रम कानूनों से राज्य का श्रमिक एवं उद्योग द्वी  पक्ष लाभान्वित होला।